სირიამ ბაშარ ალ-ასადის დაკავების ორდერი გამოსცა, - ინფორმაციას სირიის სახელმწიფო საინფორმაციო სააგენტო SANA ავრცელებს.
მოსამართლის განცხადებით, დაკავების ორდერი, რომელიც სირიის ყოფილი პრეზიდენტის, ბაშარ ალ-ასადის წინააღმდეგ დაუსწრებლად გამოსცა, 2011 წელს დარააში მომხდარ შეტაკებებს უკავშირდება.
კერძოდ, მოსამართლემ ტოფიქ ალ-ალიმ აღნიშნა, რომ ასადის წინააღმდეგ ბრალდებები განზრახ მკვლელობებს, სამოქალაქო ომის გამოწვევის მიზნით თავდასხმასა და წამებას მოიცავს.
შეგახსენებთ, სირიის ყოფილი პრეზიდენტის, ბაშარ ალ-ასადის რეჟიმი სირიელმა ამბოხებულებმა, აჰმედ ალ-შარაას მეთაურობით, 2024 წლის დეკემბერში დაამხეს. ყოფილი პრეზიდენტი, ბაშარ ალ-ასადი რუსეთში გაიქცა.
