თბილისმა კიდევ ერთ გამორჩეულ მუსიკალურ საღამოს უმასპინძლა. ქართველი მსმენელის წინაშე პირველად წარდგა აზერბაიჯანის სახალხო არტისტი, როია. კონცერტმა, რომელსაც თაყვანისმცემლები დიდი ხანია ელოდნენ, სრული ანშლაგით ჩაიარა. ცოცხალმა შესრულებამ და დაუვიწყარმა ემოციებმა ეს საღამო წლის ერთ-ერთ ყველაზე შთამბეჭდავ მოვლენად აქცია.
ბუნებრივია, მსგავსი მასშტაბისა და ხარისხის ღონისძიებების უკან ყოველთვის ძლიერი მხარდამჭერი დგას. საღამოს გენერალური სპონსორი უძრავი ქონების ბაზრის ერთ-ერთი ყველაზე მსხვილი ინვესტორი, „მაქრო დეველოპმენტი“ გახლდათ. კომპანიისთვის, რომელიც წლებია დედაქალაქში საცხოვრებელი გარემოს გაუმჯობესებაზე ზრუნავს, საზოგადოებრივი და კულტურული ცხოვრების ხელშეწყობაც ერთ-ერთი მთავარი პრიორიტეტია.
ურბანული განვითარებიდან ახალ მასშტაბებამდე
„მაქრო დეველოპმენტი“ საქართველოს ბაზარზე 2013 წლიდან ოპერირებს და სანდო დეველოპერის სახელით არის ცნობილი. საზოგადოება მას კარგად იცნობს ისეთი წარმატებული პროექტებით, როგორიცაა „მწვანე ბუდაპეშტი“ და „მწვანე ალმასი“. კომპანიის მთავარი ხელწერა ეკომეგობრული, უსაფრთხო გარემოს შექმნა და ბინების სრული რემონტით ჩაბარებაა, რაც მობინადრეებს ზედმეტი სტრესისა და დამატებითი ხარჯებისგან ათავისუფლებს.
დღეს კომპანია უპრეცედენტო მასშტაბის პროექტს, „მაქრო სითი თბილისს“ ახორციელებს. სამგორში, ნოე რამიშვილის 30 ნომერში მდებარე კომპლექსი დედაქალაქში ცხოვრების სტანდარტს სრულად ცვლის. „ქალაქი ქალაქში“, სწორედ ასე უწოდებენ ამ ახალ კომპლექსს, რომელიც 100 000 კვადრატულ მეტრზე განთავსდება და 4000-მდე გარემონტებულ ბინას გააერთიანებს. აღსანიშნავია, რომ ტერიტორიის ზუსტად ნახევარი, 50%, სრულად დაეთმობა გამწვანებასა და სარეკრეაციო სივრცეებს.
პროექტი გამოირჩევა უნიკალური ინფრასტრუქტურით, რომელსაც თბილისში ანალოგი არ აქვს. მაცხოვრებლების განკარგულებაში იქნება ოთხი საცურაო აუზი, სამი ჩოგბურთის კორტი, ორი კალათბურთის მოედანი, ასევე ღია და დახურული ფიტნესსივრცეები, სარბენი და ველობილიკები. გარდა ამისა, ტერიტორიაზე განთავსდება საბავშვო ბაღი, გასართობი მოედნები, კომერციული ობიექტები და ბიზნესცენტრი.
რაც შეეხება თავად აპარტამენტებს, ტრადიციისამებრ, ისინი სრული რემონტის კონდიციით ბარდება. მესაკუთრეს ბინაში ხვდება არა მხოლოდ შეღებილი კედლები, ლამინირებული იატაკი და კერამიკული ფილებით მოპირკეთებული სველი წერტილები, არამედ სრულფასოვანი ცხოვრებისთვის საჭირო სრული კომფორტი.
მომხმარებელზე მორგებული მსგავსი მიდგომები და უპრეცედენტო მასშტაბის პროექტები კიდევ ერთხელ უსვამს ხაზს კომპანიის სანდოობას. თუმცა, „მაქრო დეველოპმენტისთვის“ მხოლოდ ურბანული განვითარება არ არის პრიორიტეტი. კომპანია აქტიურად არის ჩართული ქალაქის კულტურულ და სოციალურ ცხოვრებაშიც, რისი ნათელი მაგალითიც როიას კონცერტის გენერალური სპონსორობაა. საბოლოო ჯამში, კომპანია აგრძელებს ქართულ ბაზარზე მასშტაბურ ინვესტირებას და საკუთარი სამშენებლო პროექტებით თუ მსგავსი ღონისძიებების მხარდაჭერით, დედაქალაქში ცხოვრების სრულიად ახალ, თანამედროვე და გაცილებით კომფორტულ სტანდარტს ამკვიდრებს.
