მარნეულის მუნიციპალიტეტის სოფელ შულავერის ცენტრში, სადაც რამდენიმე სოფლის მოსახლეობა პროდუქციის რეალიზაციის პრობლემის გამო აქციას მართავს, 2 პირი დააკავეს.
Aktual.ge-ს ინფორმაციით, პოლიციასა და აქციის მონაწილეებს შორის სიტყვიერი დაპირისპირების დროს ო პროტესტის ორი მონაწილე დააკავეს.
პროტესტის მონაწილეები მარნეულის მერის, დაურ ისმაილოვი-ს აქციაზე მისვლას ითხოვენ და აცხადებენ, რომ წინააღმდეგ შემთხვევაში გზას გადაკეტავენ.
მათივე თქმით, მერის ნაცვლად ადგილზე მისი წარმომადგენელი მივიდა, თუმცა ეს აქციის მონაწილეებისთვის მიუღებელი აღმოჩნდა.
პროტესტის მონაწილეები პერიოდულად გზის გადაკეტვას ცდილობენ.
