ჰომეროსის ცნობილი ნაწარმოებები - „ილიადა“ და „ოდისეა“ ტროას ისტორიას საუკუნეების განმავლობაში აცნობდა მსოფლიოს. მოგვიანებით, ეს ლეგენდარული ქალაქი კინოსა და ხელოვნების ბევრ ნამუშევარშიც აისახა.
ტროა მდებარეობს თურქეთის ჩრდილოეთ ეგეოსის რეგიონში, ქალაქ ჩანაქქალესთან ახლოს და შეტანილია იუნესკოს მსოფლიო მემკვიდრეობის სიაში.
ტროას ისტორიული მემკვიდრეობა დღეს მსოფლიოს სხვადასხვა ქვეყანაში გამოფენებისა და კულტურული ღონისძიებების საშუალებით ახალ აუდიტორიას ეცნობა. ერთ-ერთი ყველაზე მნიშვნელოვანი გამოფენა რომში, კოლიზეუმში, 11 ივნისს გაიხსნა. მასზე წარმოდგენილია 221 არტეფაქტი თურქეთის 19 მუზეუმიდან, მათ შორის ჩანაქქალეს მუზეუმიდან. აღსანიშნავია, რომ ექსპონატების ნაწილი იტალიაში პირველად არის ნაჩვენები. გამოფენა კიდევ ერთხელ უსვამს ხაზს ტროას არქეოლოგიურ მნიშვნელობას და მის ადგილს მსოფლიო კულტურულ მემკვიდრეობაში.
ტროასადმი მიძღვნილი ღონისძიებები სხვა ქვეყნებშიც გრძელდება. ნიუ-იორკში გამართული კონფერენციისა და ფოტოგამოფენის შემდეგ, ტროას შესახებ ღონისძიებები ნიდერლანდებში გაიმართება. კერძოდ, ამსტერდამში ფოტოგამოფენა მოეწყობა, ხოლო ლეიდენის უნივერსიტეტში ტროას გათხრების ხელმძღვანელი არქეოლოგი, პროფესორი რუსტემ ასლანი კონფერენციას გამართავს.
თუმცა, ტროას ისტორიის სრულად შესაცნობად საუკეთესო გამოცდილება თავად უძველესი ქალაქის მონახულებაა, რომელიც ჩანაქქალეს ცენტრიდან დაახლოებით 30 კილომეტრში მდებარეობს.
ტროას ისტორიული მემკვიდრეობა დღეს მსოფლიოს სხვადასხვა ქვეყანაში გამოფენებისა და კულტურული ღონისძიებების საშუალებით ახალ აუდიტორიას ეცნობა. ერთ-ერთი ყველაზე მნიშვნელოვანი გამოფენა რომში, კოლიზეუმში, 11 ივნისს გაიხსნა. მასზე წარმოდგენილია 221 არტეფაქტი თურქეთის 19 მუზეუმიდან, მათ შორის ჩანაქქალეს ტროას მუზეუმიდან. ექსპონატების ნაწილი იტალიაში პირველად არის ნაჩვენები. გამოფენა კიდევ ერთხელ უსვამს ხაზს ტროას არქეოლოგიურ მნიშვნელობას და მის ადგილს მსოფლიო კულტურულ მემკვიდრეობაში.
ტროასადმი მიძღვნილი ღონისძიებები სხვა ქვეყნებშიც გრძელდება. ნიუ-იორკში გამართული კონფერენციისა და ფოტოგამოფენის შემდეგ, ტროას შესახებ ღონისძიებები ნიდერლანდებში გაიმართება - კერძოდ, ამსტერდამში ფოტოგამოფენა მოეწყობა, ხოლო ლეიდენის უნივერსიტეტში ტროას გათხრების ხელმძღვანელი არქეოლოგი, პროფესორი რუსტემ ასლანი, კონფერენციას გამართავს.
თუმცა, ტროას ისტორიის სრულად შესაცნობად საუკეთესო გამოცდილება თავად უძველესი ქალაქის მონახულებაა, რომელიც ჩანაქქალეს ცენტრიდან დაახლოებით 30 კილომეტრში მდებარეობს.
ჩანაქქალე - ისტორიის, ბუნებისა და ლეგენდების შეხვედრის ადგილი
ჩანაქქალე თურქეთის ეგეოსის რეგიონის ერთ-ერთი გამორჩეული ადგილია, სადაც ერთმანეთს ისტორია, ბუნება და კულტურა ერწყმის. სტუმრებს აქ შეუძლიათ დატკბნენ ულამაზესი სანაპიროებით, სცადონ წყლის სპორტი, იმოგზაურონ ველოსიპედით, მოინახულონ ღვინის მარშრუტები და გაეცნონ რეგიონის მდიდარ ისტორიას.
ჩანაქქალეში შესაძლებელია პირველი მსოფლიო ომისდროინდელი ბრძოლის ადგილების მონახულება, გალიპოლის ისტორიის გაცნობა და წყალქვეშ აღმოჩენილი გემების დათვალიერება. ასევე ღირს აიდას მთის, ასოსის ულამაზესი სანაპიროებისა და ბოზჯაადასა და გოქჩეადას კუნძულების მონახულება.
თუმცა, რეგიონის მთავარი სიმბოლო და ყველაზე მნიშვნელოვანი ადგილი მაინც ტროაა. ქალაქის ცენტრში განთავსებული დიდი ხის ცხენი სტუმრებს იმ ლეგენდარულ ქალაქს ახსენებს, რომელმაც მსოფლიო კულტურასა და ისტორიაში განსაკუთრებული ადგილი დაიკავა.
ტროა - ცივილიზაციების ქალაქი
ტროა მდებარეობს სოფელ თევფიქიეში და ცნობილია როგორც ქალაქი, რომელმაც ჰომეროსს ცნობილი ეპოსი „ილიადა“ შთააგონა. მიუხედავად იმისა, რომ ტროას ომის ლეგენდა ყველაზე მეტად უკავშირდება ამ ქალაქს, მისი ისტორია ბევრად უფრო ძველია და მხოლოდ მითებით არ შემოიფარგლება.
იუნესკოს მონაცემებით, ტროაში დასახლება დაახლოებით 5 000 წლის განმავლობაში არსებობდა. არქეოლოგიურმა აღმოჩენებმა აქ სხვადასხვა ეპოქის კვალი გამოავლინა - ბრინჯაოს ხანიდან დაწყებული, აღმოსავლეთ რომის პერიოდამდე. ქალაქი მრავალ ისტორიულ ფენას აერთიანებს და სხვადასხვა ცივილიზაციის ისტორიას ინახავს.
დღეს სტუმრებს შეუძლიათ იხილონ უძველესი კედლები, ქუჩები და ნაგებობები, რომლებზეც, ლეგენდის მიხედვით, ტროას გმირებიც დადიოდნენ.
საგულისხმოა, რომ ტროას ისტორია ასევე დაკავშირებულია რომის წარმოშობის ლეგენდასთან. ვერგილიუსის „ენეიდის“ მიხედვით, ტროას დაცემის შემდეგ პრინცი ენეასი ახალი სამშობლოს საძიებლად გაემგზავრა, ხოლო მისი შთამომავლები მოგვიანებით რომის დამაარსებლებად ითვლებიან.
ტროა დღესაც რჩება ერთ-ერთ ყველაზე მნიშვნელოვან უძველეს ქალაქად, რომელიც აერთიანებს ისტორიას, ლეგენდასა და კულტურულ მემკვიდრეობას.
ტროას მუზეუმი ისტორია თანამედროვე ხედვით
ტროას გამოცდილება მხოლოდ უძველესი ნანგრევების დათვალიერებით არ სრულდება. ქალაქის შესასვლელთან მდებარეობს თანამედროვე არქიტექტურის მქონე ტროას მუზეუმი, სადაც სტუმრებს ქალაქის მდიდარი ისტორიის უკეთ გაცნობა შეუძლიათ.
მუზეუმში დაცულია ტროას ტერიტორიაზე აღმოჩენილი არქეოლოგიური მასალები, რომლებიც ათასობით წლის ისტორიას აცოცხლებს. თანამედროვე გამოფენებისა და ინტერაქტიული მიდგომების დახმარებით, ვიზიტორები უკეთ იგებენ, თუ როგორ ვითარდებოდა ეს უძველესი ქალაქი სხვადასხვა ეპოქაში.
რჩევები მოგზაურობისთვის:
როგორ მივიდეთ?
ჩანაქქალეში ჩასვლა შესაძლებელია სტამბოლის აეროპორტიდან ყოველდღიური ფრენებით. ასევე შესაძლებელია სტამბოლიდან მანქანით მგზავრობა.
სად უნდა დარჩეთ?
ჩანაქქალეში სტუმრებს შესაძლებლობა აქვთ სხვადასხვა სასტუმროსა და საოჯახო ტიპის საცხოვრებელს შორის არჩევანი გააკეთონ. უფრო ადგილობრივი გამოცდილებისთვის შესაძლებელია სოფელ თევფიქიეში დარჩენა, რომელიც ტროასთან ყველაზე ახლოს მდებარეობს.
რა უნდა ნახოთ?
ტროა ასევე შედის ტროას ღვინის მარშრუტში, რომელიც გალიპოლის ტერიტორიიდან იწყება და ბოზჯაადას კუნძულამდე გრძელდება.
რა დააგემოვნოთ?
რეგიონი ცნობილია ადგილობრივი ყველით, ზეითუნის ზეთით მომზადებული კერძებით, ზღვის პროდუქტებით და განსაკუთრებით დარდანელის სრუტის სარდინით.
ტროა დღესაც არის ადგილი, სადაც ისტორია, ლეგენდები და კულტურა ერთმანეთს ერწყმის და მოგზაურებს უნიკალურ გამოცდილებას სთავაზობს.
