ბაჰრეინსა და ქუვეითში თავდასხმის საფრთხის მაუწყებელი სირენების და აფეთქებების ხმები ისმოდა, - ინფორმაციას მედია საშუალებები ოფიციალურ მონაცემებზე დაყრდნობით ავრცელებენ.
ქუვეითის არმიამ განაცხადა, რომ მისი საჰაერო თავდაცვა ამჟამად „მტრული რაკეტებისა და დრონების საფრთხეებზე“ რეაგირებს.
ბაჰრეინის შინაგან საქმეთა სამინისტრომ მოქალაქეებს მოუწოდა, „შეინარჩუნონ სიმშვიდე და უახლოეს უსაფრთხო ადგილას გაემართონ“.
შეგახსენებთ, აშშ-მა ირანის წინააღმდეგ ღამით ახალი დარტყმები განახორციელა, რის შემდეგაც ირანელი ოფიციალური პირები საპასუხო ზომებით დაიმუქრნენ.
