შინაგან საქმეთა სამინისტროს ინფორმაციით, ხელწერილის საფუძველზე გაათავისუფლეს მარნეულში პოლიციასა და ფერმერებს შორის დაპირისპირებისას დაკავებული ორივე პირი.
დაპირისპირება მას შემდეგ დაიწყო, როდესაც აქციის მონაწილეებმა პროტესტის ნიშნად გზის გადაკეტვა სცადეს. ფერმერები პროტესტს გამოხატავდნენ და აღნიშნავდნენ, რომ მათ ადგილობრივად წარმოებული ბოსტნეულის რეალიზაცია უჭირთ და იძულებულები არიან, რომ პროდუქცია იმაზე იაფად გაყიდონ, ვიდრე პროდუქციის წარმოება უჯდებათ.
ორივე პირი ადმინისტრაციულ სამართალდარღვევათა კოდექსის 173-ე მუხლით, იყო დაკავებული, რაც სამსახურებრივი მოვალეობის შესრულების დროს სამართალდამცავი ორგანოს თანამშრომლის, სამხედრო მოსამსახურის, სახელმწიფო დაცვის სპეციალური სამსახურის თანამშრომლის, აღსრულების პოლიციელის ან სპეციალური პენიტენციური სამსახურის მოსამსახურის ან მასთან გათანაბრებული პირის კანონიერი განკარგულებისადმი ან მოთხოვნისადმი დაუმორჩილებლობას გულისხმობს.
